A DOR

"Quen sabe de dor, todo o sabe" (Dante Aliguieri)

En 1999 a Joint Commission on Acreditation of Health Care Organizations (JCAHCO) exigiu que a valoración da dor fose considerada unha constante vital, premisa asumida xa nalgúns países europeos.
"A dor é unha experiencia sensorial e emocional desagradable asociada cunha lesión presente ou potencial ou descrita en términos da mesma e, se persiste sen remedio para alterar a súa causa ou manifestacións, unha enfermidade en sí mesma" segundo a International Association for the study of Pain (IASP).
É importante considerar as diferentes características da dor como a localización, tipo, duración, periodicidade, frecuencia, intensidade, irradiación, síntomas e signos acompañantes, factores agravantes e atenuantes, cunha adecuada valoración conseguiremos intervencións con máis posibilidades de solventar esta situación.

Clasificacións máis frecuentes:

1. TEMPORALIDADE:

-Agudo: aquel que se xenera ante estímulos orixinados por lesións, enfermidades ou unha función anormal de vísceras ou músculos. A súa duración debe de ser breve (<6meses)>
Este tipo de dor tense considerado como un mecanismo de defensa ante un dano que provoca unha activación do sistema nociceptivo.

Pódese clasificar a súa vez en :
-superficial, cutáneo ou periférico (orixe na pel, mucosas ou tecido subcutáneo).
-somático, profundo ou central (orixinado a nivel osteoarticular).
-visceral (por lesión ou disfunción dun órgano interno ou das súas serosas).

-Crónico: dor que persiste durante máis de 6 meses aínda que as causas que o provocaron xa desapareceron, a dor transfórmase nun problema en sí mesmo, provocando alteracións, trastornos conductuais e incluso efectos secundarios ós tratamentos administrados condicionando a vida do individuo.
Pódese clasificar a súa vez en :
-agudo recurrente (ex: artritis reumatoide)
-crónico maligno ou crónico agudo (ex: enfermidade neoplásica)
-crónico benigno ou non maligno (ex: neuralxias, lumbalxias e fibromialxia)

2. NEUROFISIOLÓXICO:
-Nociceptivo: dor que aparece despois de un estímulo que produce dano ou lesión dun órgano somático ou visceral, por exemplo un traumatismo.

-Neuropático: dor anormal ou patolóxico motivado por unha lesión ou enfermidade do SNC ou SNP. Frecuentemente mostra persistencia e resistencia ós tratamentos. Destacar dous conceptos:

hiperalgesia: aumento das respostas a estímulos que son dolorosos normalmente.
alodinia: dor provocado por un estímulo que non suele producir dor.

3. ETIOLÓXICO:
-Físico: todos aqueles tipos de dor que teñen a súa etioloxía en lesións físicas de determinados tipos.

-Psicóxeno: aqueles tipos de dor de natureza psicosomática ou psíquica. A súa intensidade suele estar relacionada co estado anímico do paciente e é bastante frecuente en cadros psicopatolóxicos como neurosis obsesiva e a depresión endóxena.

4. DE LOCALIZACIÓN:
-Referido: dolor visceral que se percibe nunha parte externa en correspondencia co órgano interno estimulado, como por exemplo o cólico biliar.
-Proxectado: dor que se manifesta lonxe do punto da lesión que o xenera, como o provocado pola hernia discal.